Podle prawa, tyn dokumynt istniyje yno po polsku.
Nasza Polityka prywatności to niy sōm żarty — to je ważny, urzyndowy kwit naszkryfany yno po polsku. Sōndy przi drakach przimykajōm ôko na ślōnsko godka, bez to papiōry musymy mieć we ôficjalnym jynzyku. Cobyś jednak niy musioł drapko latać do mecenasa, narychtowalimy Ci pod spodym wersyjo po naszymu. Zaglōndej tam śmiało, ale pamiyntej — jak przidzie co do czego, to ważny je yno tyn polski papiōr.
Tłōmaczynie je yno dlo Twojigo wygodnictwa. Niy je prawnie wiōnżōnce — polski ôryginał to jedyno ważno wersyjo tego dokumyntu.
Polityka prywatności — po naszymu
Fungować zaczyno ôd 03.10.2026
Ta Polityka prywatności godo, jak przetwarzōmy dane ôsobowe Klijyntōw i ludzi, co zaglōndajōm do sklepu artinspiro.pl — podle Rozporzōndzynio Parlamyntu Eurōpejskiego i Rady (UE) 2016/679 (RODO).
1. Administrator danych
1.1. Administratorym danych ôsobowych je Justprint – Marek Nadolny, ul. Bartosza Głowackiego 10, 41-100 Siymianowice Ślōnskie, NIP: 6342389872, REGON: 276988977.
1.2. We sprawach danych ôsobowych napisz na biuro@artinspiro.pl abo zadzwōń: +48 796 333 876.
2. Jake dane i na co
2.1. Zrobiynie zamōwiynio — miano i nazwisko (abo miano firmy), adresa dostawy abo ôdbioru, e-mail, numer telefōnu, a przi zamōwiyniach indywidualnych tyż przesłane grafiki i parametry zamōwiynio. Podstawa prawno: wykōnanie umowy abo czynności na Twoje żōndanie przed jij zawarciym (art. 6 ust. 1 lit. b RODO).
2.2. Ksiyngowość i podatki — dane z faktur i dokumyntōw sprzedaży, trzymane tela, wiela kożōm przepisy podatkowe. Podstawa prawno: ôbowiōnzek prawny Administratora (art. 6 ust. 1 lit. c RODO).
2.3. Kōntakt i ôdpowiadanie na pytania — dane z formularza, maila abo rozmowy przez telefōn. Podstawa prawno: prawnie uzasadniōny interes Administratora, coby Ci ôdpedzieć (art. 6 ust. 1 lit. f RODO).
2.4. Ustalynie, dochodzynie abo ôbrona przed roszczyniami — w zakresie, jaki trza, do przedawniynio roszczyń. Podstawa prawno: prawnie uzasadniōny interes Administratora (art. 6 ust. 1 lit. f RODO).
3. Kōmu dowōmy dane
3.1. Dane mogōm iś do firm, z kerych usug korzystōmy, coby prowadzić Sklep i robić zamōwiynia — ino w zakresie, jaki im je potrzebny:
a) dostawcōw hostingu, sieci CDN i trzymanio plikōw (Cloudflare, Inc.),
b) dostawcy systymu do zamōwiyń i wysyłek (BaseLinker),
c) ôperatora płacyń ônline — mElements S.A. (PayNow),
d) dostawcy poczty, kerōm idōm maile ô zamōwiyniu,
e) kurierōw, co przywożōm towar.
3.2. Niy sprzedowōmy Twojich danych i niy dowōmy jich nikōmu do marketingu bez ôsobnyj zgody.
3.3. Niykere firmy z pkt 3.1 mogōm przetwarzać dane poza Eurōpejskim Ôbszarym Gospodarczym. Wtedy dane idōm z ôdpowiednimi zabezpieczyniami z RODO, tyż ze standardowymi klauzulami umownymi zatwierdzōnymi bez Kōmisyjo Eurōpejsko.
4. Ciasteczka (cookies) i dane w przeglōndarce
4.1. Sklep używo Cloudflare Web Analytics do liczynio ruchu na zajcie. To nyrzyndzie niy używo cookies i niy łazi za Tobōm po inkszych zajtach.
4.2. Zawartość koszyka i mustry wybrane w galeryji sōm trzymane ino u Ciebie w przeglōndarce (localStorage) i niy idōm do nos, póki niy złożysz zamōwiynio. Możesz je skasować kiej chcesz, czyszczōnc dane przeglōndanio w ustawiyniach.
4.3. Sklep zapisuje anōnimowe statystyki szukajki mustrōw w galeryji: wpisanõ fraza, jynzyk strōny, kategoryjõ, liczba wynikōw i użyte filtry. Te dane sōm cołkim anōnimowe i niy sōm ôde żŏdnego użytkownika zależne: niy zapisujymy adresu IP ani danych ôd ôrzōndzynio i niy używōmy do tego ciasteczek. Losowy identyfikatōr sesyje powstowŏ we karcie przeglōndarki, przepada po jyj zawarciu i służy ino do tego, coby niy liczyć kilkokrotnie tyj samyj frazy wpisanyj we jednyj wizycie; niy pozwŏlŏ poznać użytkownika ani go rozpoznać przi nastympnyj wizycie. Statystyki służōm do ulepszanio ôferty mustrōw i sōm trzymane do 13 miesiyncy.
4.4. Jak przichodzisz piyrszy roz, pytōmy sie ô zgoda na ciasteczka (cookies) i pamiyńć przeglōndarki. Potrzebne (np. spamiyntanie koszyka i Twojigo wybōru) robiōm zawdy. Statystyki i marketing, np. pomiar reklam, włōnczymy yno za Twojōm zgodōm. Wybōr trzimiymy w przeglōndarce (localStorage, do 12 miesiyncy) i możesz go zmiynić w kożdej chwili bez link „Sztelunki ciasteczek" na dole zajty.
4.5. Jak sie zgodzisz na „Do statystyk”, to puszczōmy Gugiel Analutuk 4 (Google Ireland Limited, tyn Gugiel ze Irlandyje), coby ôbliczyć, wiela ludzi nas ôdwiydzo i kaj klikajōm. Gugiel Analutuk lubi ciasteczka i bez nich niy poradzi. Jak zgody niy dosz, to skrypt Gugla w ogōle niy leci do Twojij przeglōndarki.
4.6. Za tã samã zgodã „Do statystyk” puszczōmy tyż Mikrosoft Klarity (Microsoft Corporation), co zapisuje anōnimowe filmiki ze wizyty (kliki, przewijanie, ruchy myszki) i mapy ciepła, coby wyłapać, kaj na zajcie ludzi coś trapi. Co ludzie piszōm we formularzach, to sie zakrywŏ. Jak zgody niy dosz, to skrypt Mikrosoftu niy leci do Twojij przeglōndarki.
4.7. Jak sie zgodzisz na „Do marketingu”, to puszczōmy tag Gugiel Ads (Google Ireland Limited), co zapisuje ciasteczko i pozwolo pokazować reklamy ludzióm, co byli u nos na zajcie (remarketink), a tyż mierzić, czy kampanie coś dajōm. Jak zgody niy dosz, to skrypt Gugiel Ads sie niy uruchamio. Zgodã możesz ôdwołać kiej chcesz bez „Sztelunki ciasteczek”.
5. Jak dugo trzymōmy dane
5.1. Dane z zamōwiynio trzymōmy tela, wiela trza do jego zrobiynio, a potym tela, wiela kożōm przepisy podatkowe i rachunkowe.
5.2. Dane z korespōndyncyje trzymōmy tela, wiela trza na ôdpowiedź, i do przedawniynio roszczyń z nij.
6. Twoje prawa
6.1. Przisuguje Ci prawo do: dostympu do swojich danych, jejich sprostowanio, usuniyncio abo ôgraniczynio przetwarzanio, przenoszynio danych ôraz sprzeciwu wobec przetwarzanio na podstawie prawnie uzasadniōnego interesu.
6.2. Jak przetwarzōmy dane na podstawie zgody, możesz jōm cofnōńć kiej chcesz — niy zmiynio to tego, że wcześnij wszyjsko było podle prawa.
6.3. Jak myślisz, że Twoje dane sōm przetwarzane niyzgodnie z RODO, możesz złożyć skarga do Prezesa Urzyndu Ôchrōny Danych Ôsobowych.
6.4. Coby skorzystać z tych praw, napisz na biuro@artinspiro.pl.
7. Bezpieczyństwo danych
7.1. Miyndzy Twojōm przeglōndarkōm a Sklepym dane lecōm szyfrowanym połōnczyniym (TLS/SSL).
7.2. Do danych majōm dostymp ino ci, kerym je to potrzebne do roboty przi zamōwiyniach i Sklepie.
8. Zmiany Polityki prywatności
8.1. Administrator mo prawo zmiynić ta Polityka, przede wszyjskim jak sie zmiyniōm przepisy abo zakres usug. Aktualno wersyjo je zawdy pod tym adresym.